ஓம்நமசிவய!

விநாயகனே வல்வினையை வேர் அறுக்க வல்லான்
விநாயகனே வேட்கை தணிவிப்பான்
விநாயகனே விண்ணிற்கும் மண்ணிற்கும் நாதனுமாம்
தன்மையினால் கண்ணில் பணிமின் கணிந்து!

கார்த்திகை நட்சத்திரக்காரர்கள் வழிபடவேண்டியது.

நட்சத்திரத்தின் அதிதேவதை அக்னி

வழிபடவேண்டிய பைரவர் தலம் அண்ணாமலைபைரவர்- திருவண்ணாமலை

வழிபடவேண்டிய தெய்வம் கார்த்திகைசுந்தரேசுவரர்,கஞ்சநகரம்

பலன்கள் அக்னி/தீயின் பாதிப்புகள் அகலும்

நற்பலன் தரும் மற்ற கோவில்கள் அத்திவரதர்-காஞ்சி, அக்னீஸ்வரர்-திருப்புகலூர், சிவலோகநாதர்-கீரனூர்(புதுக்கோட்டை), செந்திலாண்டவர்-திருச்செந்தூர், வன்மீகநாதர்-திருவெற்றியூர், பதஞ்சலீஸ்வரர்-கானாட்டுமுள்ளூர்

வழிபடவேண்டிய கிரகம் சூரியன்

நட்சத்திரத்திற்குரிய மரம் அத்தி

வேலவனுக்குதவிய நட்சத்திர பூதகண வேதாளங்கள் செய்யூரில்- வைராக்கிய

வழிபட வேண்டிய சித்தர்கள் கார்த்திகை1(மேஷம்) =ஸ்ரீபோகர்,பழனி,ஸ்ரீதணிகைமுனி; ஸ்ரீசம்ஹாரமூர்த்தி, திருச்செந்தூர்; ஸ்ரீபுலிப்பாணி, பழனி
கார்த்திகை 2, 3, 4 (ரிஷபம்)=ஸ்ரீமச்சமுனி,திருப்பரங்குன்றம் ஸ்ரீவான்மீகர், எட்டுக்குடி,; ஸ்ரீஇடைக்காடர், திரு அண்ணாமலை.

வழிபடவேண்டிய நாயன்மார்கள் மூர்த்தி நாயனார், இடங்கழி நாயனார், புகழ்ச் சோழ நாயனார், கணம்புல்லர் நாயனார்

$$$$$

ஓம்நமசிவய!

ஐந்து கரத்தனை ஆனை முகத்தனை
இந்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினைப்
புந்தியில் வைத்து அடிபோற்றுகின்றேனே!

பரணி நட்சத்திரக்காரர்கள் வழிபடவேண்டியது.

நட்சத்திரத்தின் அதிதேவதை துர்க்கை

வழிபடவேண்டிய பைரவர் தலம் மகாபைரவர்- பெரிச்சியூர்

வழிபடவேண்டிய தெய்வம் அக்னீசுவரர், நல்லாடை,

பலன்கள் தீய எதிரிகள் பயம் விலகும்.

நற்பலன் தரும் மற்ற கோவில்கள் திருநெல்லிவனநாதர்-திருநெல்லிக்கா, சோமநாதர்-கீழ்பழயாறை,வேலாயுதசுவாமி-திருஆவினன்குடி, துர்க்கை,-பட்டீஸ்வரம்,கருநெல்லிநாதர்-சிவகாசி, யமன்-ஸ்ரீவாஞ்ஞியம், அசலதீபேஸ்வரர்-மோகனூர்.

வழிபடவேண்டிய கிரகம் சுக்கிரன்

நட்சத்திரத்திற்குரிய மரம் நெல்லி

வேலவனுக்குதவிய நட்சத்திர பூதகண வேதாளங்கள்-செய்யூரில்- வஜ்ரதாரி

வழிபட வேண்டிய சித்தர்கள் பரணி(மேஷம்) = ஸ்ரீகோரக்கர், வடக்குப் பொய்கைநல்லூர்-நாகப்பட்டிணம், ஸ்ரீபோகர், பழனி

வழிபடவேண்டிய நாயன்மார்கள் சிறுத் தொண்ட நாயனார், கழற்சிங்க நாயனார், நின்ற சீர் நெடுமாற நாயனார்

$$$$$

ஓம்நமசிவய!

ஆங்காரம்முளை அறுப்பாய் போற்றி!
பாங்கார் இன்பப் பராபர போற்றி!
கற்றவர் விழுங்கும் கனியே போற்றி!
மற்றவர் காணாமலையே போற்றி!
சொல்லொடு பொருளின் தொடர்பே போற்றி!
கல்லும் கரைக்க வல்லோய் போற்றி!

நட்சத்திரங்களின் நன்மை!

இப்பூவுலகில் பிறந்துள்ள அனைத்து உயிர்களும் ஏதாவது ஒரு நட்சத்திரத்தில்தான் பிறந்திருக்க வேண்டும் என்பதே சாஸ்திர நியதியாகும். அவ்வாறு பிறந்த உயிர்கள் முதலில் தான் இவ்வுலகில் ஜன்னம் எடுக்க காரணமாயிருந்த தாய் தந்தையரை வணங்கவும். பின் அவர் குலதெய்வத்தை வணங்க வேண்டும் பின்னர் ஒவ்வொரு நட்சத்திரத்திற்கும் உரிய அதிதேவதை, பைரவர், தெய்வம் ஆகியவற்றை தொடர்ந்து அந்த நட்சத்திர நாளில் வழிபட்டு வந்தால் அந்தந்த நட்சத்திரத்தில் பிறந்தவர்கள் கர்ம பாவங்கள் குறைந்து நன்மைகளைப் பெறுவார்கள். இடவசதியிருந்தால் நட்சத்திரக்காரர்கள் தங்கள் நட்சத்திற்குரிய மரத்தை நட்டு நீர் ஊற்றி வளர்த்து வழிபடுதல் சிறப்பு.

மரம் என்றால் எதாவது ஒரு மரத்தை நிழலுக்காக அல்லது கட்டிடத்தின் முன் அழகு படுத்த வளர்க்கலாம். ஆனால் இங்கே சொல்லப்படுவது ஒருவருடைய நட்சத்திரத்திற்குரிய மரத்தை தன் சொந்த இடத்தில் நட்டு வளர்க்க வேண்டும். அதன் பலன்கள்- அந்த மரம் வளர வளர அவருடைய வாழ்வு வளம் பெரும். மரம் வளர்ப்பவருடைய பாவக் கதிர்களைக் கிரகித்துக்கொண்டு ஓர் ஒப்பற்ற அற்புதமான ஆன்மீகத் தொடர்பை செய்ய வல்லது. அவருடைய தோஷங்களை அந்த மரம் ஈர்க்கும் தன்மையுடையது. அந்த மரம் பூத்துக் குழுங்கும்போது அவரின் வாழ்வு செழிப்பான நிலையில் இருக்கும். கர்ம வினைகள் குறைந்து விடும்.

சித்தர்களின் ஜீவசமாதி தலங்களில் இருக்கும் சித்தரின் உச்சந்தலைக்கு மேல் இயங்கும் துவாத சாங்க சக்கரத்திற்கும் வானில் உள்ள நட்சத்திரம், நவகோள்களுக்கும், பன்னிரு ராசிகளின் வீடுகளுக்கும் உள்ள தொடர்புகள் என்னாளும் எந்த நிலையிலும் மாறுவதில்லை. அதனால்தான் பிறந்த நட்சத்திரம், ராசி, லக்னத்திற்கு ஏற்ற ஜீவசமாதி ஐக்கிய நிலைகளுக்குச் சென்று வழிபட்டு சித்தர்களின் ஆசி பெற்று வழமுடன் வாழ்த்தும் குருஸ்ரீ பகோரா

மற்ற உயிர்களிடம் அன்பு செய்யுங்கள் ஆனந்தம் அடைவீர். மேலும் நாயன்மர்களை வழிபடுதல் சிவ வழிபாட்டிற்கு ஈடானது. அடியார்க்கும் அடியேன் என்ற கூற்றுப்படி மேம்பட்டது அடியார்களை தொழுபவர்களை காத்து அருள் புரிவர் சிவபெருமான் என்பது மரபு. எனவே அந்தந்த நட்சத்திரக்காரர்கள் தாங்கள் ஜன்ம நட்சத்திரப்படி பிறந்த தினத்தன்று அல்லது அந்த நட்சத்திரதிற்கு உரிய நாயன்மார்களது குருபூஜையன்று அந்தந்த நயன்மார்களுக்கு அபிஷேகம் செய்து புது வஸ்திரம் அணிவித்து அர்ச்சித்து ஆரதனை செய்து வழிபட்டால் வாழ்வில் வியத்தகு முன்னேற்றம் காண்பீர்கள். -குருஸ்ரீ பகோரா.

######

நட்சத்திரங்கள் 27

அஸ்வினி
பரணி
கார்த்திகை
ரோகிணி
மிருகஷீரிடம்
திருவாதிரை
புனர்பூசம்
பூசம்
ஆயில்யம்
மகம்
பூரம்
உத்திரம்
ஹஸ்தம்
சித்திரை
சுவாதி
விசாகம்
அனுஷம்
கேட்டை
மூலம்
பூராடம்
உத்திராடம்
திருவோணம்
அவிட்டம்
சதயம்
பூரட்டாதி
உத்திரட்டாதி
ரேவதி

$$$$$

ஓம்நமசிவய!

வாக்கு உண்டாம் நல்ல மனமுண்டாம்
மாமலராள் நோக்கு உண்டாம், மேனி நுடங்காது
பூக்கொண்டு துப்பார் திருமேனித் தும்பிக்கையான்
பாதம் தப்பாமல் சார்வார் தமக்கு!

#####

அஸ்வினி நட்சத்திரக்காரர்கள் வழிபடவேண்டியது.

நட்சத்திரத்தின் அதிதேவதை சரஸ்வதி

வழிபடவேண்டிய பைரவர் தலம் ஞானபைரவர்- பேரூர்

வழிபடவேண்டிய தெய்வம் பிறவிமருந்தீஸ்வரர்(சு), திருத்துறைபூண்டி,

பலன்கள் விசாலமான அறிவு, தெளிவு ஏற்படும்

நற்பலன் தரும் மற்ற கோவில்கள் தன்வந்திரி பகவான்- ஸ்ரீரங்கம் ரங்கநாதர் ஆலயம், அரப்பளீச்வரர்- கொள்ளிமலை

வழிபடவேண்டிய கிரகம் கேது

நட்சத்திரத்திற்குரிய மரம் எட்டி

வேலவனுக்குதவிய நட்சத்திர பூதகண வேதாளங்கள்-செய்யூரில்- நாகாயுதபாணி

வழிபட வேண்டிய சித்தர் அசுவினி-(மேஷம்) = ஸ்ரீபோகர், பழனி

வழிபட வேண்டிய நாயன்மார்கள் உருத்திரபசுபதி நாயனார், திருமூல நாயனார்

$$$$$