குருஜி - வைரவாக்கியம்

ஒளிமிக்கவர்களே, எல்லாம் வல்ல ஆத்மாக்களே, விழித்திடுங்கள். எல்லா சக்திகளும் உங்களுள் அடங்கியிருக்கின்றது. உணருங்கள். செயல்படுங்கள். எல்லாம் உங்கள் வசப்படும்.
ஞாயிற்றுக்கிழமை, 03 September 2017 10:43

சிவ அஷ்டாஷ்ட திரு உருவங்கள்-64

Written by
Rate this item
(1 Vote)

ஓம்நமசிவய!

ஐயனே போற்றி போற்றி ஒப்பிலா ஒருவ போற்றி
ஒள்ளிய வடிவே போற்றி ஒற்றைவெண் கொம்பாய் போற்றி
ஒளிநுதற் கண்ணாய் போற்றி ஓட்பங்கள் தருவாய் போற்றி
ஒலியெலாம் ஆவாய் போற்றி ஒழுகுமும் மதத்தாய் போற்றி


சிவ அஷ்டாஷ்ட திருஉருவங்கள்!

ஒரு மரம் ஒரு வித்திலிருந்து முளைவிட்டு தோன்றுகின்றது. மரத்தை நாம் காண்பதற்கு முன்பாக அது வித்தாக ரூபாருபமாக வித்து வடிவத்தில் இருந்தது. அம்மரமே வித்தாக தோன்றுவதற்கு முன் எவ்வித ரூபமில்லாமல் இருக்கின்றது. ஒரு விதை இவ்வாறு அரூபமாயிருந்து ரூபாருபமாகிய ரூபத்தை பெறுகின்றது. இது போன்றே ஒரு குட்டியும் ஒரு பிள்ளையும் ஒரு பிண்டத்தில் தோன்றும். பிண்டமும் எவ்வித ரூபமற்ற ஒன்றிலிருந்து உண்டாகும். இவ்வாறு எல்லாவற்றையும் நோக்குங்கால் இப்பூவுலகில் அண்ட சராசரங்கள் எல்லாம் உருவங்கள் பெறுமாறு இயக்கும் இறைவனும் இவ்வகையிலே திருவுருவம் கொண்டிருந்திருக்க வேண்டும் என்பது புலனாகும். அருவம், உருவம், அருவுருவம் என மூவகையாகக் காட்சி தரும் இறைவனே தன்னை உணர்த்த பல உருவத் திருமேனியாக தரிசிக்க சில வடிவங்கள் மேற்கொண்டுள்ளான்.

சிவ வடிவங்கள் நான்கு வகை:

சிவனின் வடிவங்கள்-64. இவை சௌமியம் போக, யோக, கோப வடிவங்கள் என் நான்காகப் பிரிக்கப்பட்டுள்ளன.
சௌமியம்- புன்சிரிப்பு, இன்முகத்துடனும் இருக்கும் விக்ரகங்கள்
யோகம்- யோக நிலையில் உள்ள விக்ரகங்கள் (தட்சிணாமூர்த்தி)
போகம்- மனைவியுடன் ஒரே பீடத்தில் நின்றபடி அல்லது அமர்ந்தபடி இருக்கும் விக்ரகங்கள்
கோபம்-உக்ர வடிவிலான மூர்த்தங்கள்(வீரபத்திரர்)

பஞ்சமுக தரிசனம்

சிவ அடியவர் ஒவ்வொருவருக்கும் சிவனின் பஞ்சமூர்த்த தரிசனம் கிடைக்க வேண்டும். பஞ்சமூர்த்தம் என்பது சத்யோஜாதம்-படைத்தல், வாமதேவம்-காத்தல், தத்புருஷம்-மறைத்தல், அகோரரூபம்-அழித்தல்(ஒடுக்கம்), ஈசானம்-அருளல் ஆகும். பிரம்மன் ஒவ்வொரு கற்ப யுகத்திலும் சிவனை நினைந்து தவமிருந்து ஒவ்வொரு முகமாக தரிசனம் கண்டு இன்புற்றார். அந்த ஒவ்வொரு முகத்திற்கும் ஐந்து வடிவங்கள் என மொத்தம் 25 வடிவங்கள் சிறப்பானதாக கருதப்படும்.

சுவேத லோகித கற்பத்தில் தவமிருந்த பிரம்மனுக்கு காலை இளம் சூரியனைப் போன்ற பேரெழில் பொங்கும் பச்சிளம் பாலகனாய் காட்சி தந்து அருளினார். இந்த பொலிவே சத்யோஜாதம் எனப்படும். சத்யோஜாதம் - பிருதிவித் தத்துவம் அதிலிருந்து தோன்றிய நந்தினி என்ற பெயருள்ள கபிலவர்ணமுள்ள கோவின் கோமயத்தால் தயாராகும் பஸ்மம்- விபூதி 

மேற்கு நோக்கிய சத்யோஜாதம் முகத்திலிருந்து காமிகம், யோகசம், சிந்தியம், காரணம் அசிதம் எனும் ஐந்து ஆகமங்கள் தோன்றின.

இந்த மேற்குமுக சத்யோஜாத தோற்றத்திற்குகந்த முகங்கள் ஐந்து. அவை.
1.இலிங்கோத்பவர்,
2.சுகாசனர்-நல்லிருக்கை நாதர்,
3.ஹரிஹரர்-கேசவார்த்தமூர்த்தி-மாலொருபாகர்,
4.அர்த்தநாரீஸ்வரர்-உமைபங்கன்,
5.உமாமகேசர்- உமேசர்,

ரத கற்பத்தில் பிரம்மன் தவமிருந்து மானும் மழுவுடன் சிவபெருமான் காட்சி அருள். இந்த வாமதேவ திருத் தோற்றத்தை தரிசித்து வழிபடுவோர் பிறப்பு இறப்பு இன்றி இறைவனின் பாத கமலங்களை அடையும் பேரின்ப வாழ்வுதனை அடைவர். வாமதேவம்- நீர்த் தத்துவம் அதிலிருந்து தோன்றிய பத்ரை என்ற பெயருள்ள கருப்பு நிறமுள்ள பசுவின் கோமயத்தால் தயாராகும் பஸ்மம்- பஸிதம்

வடக்கு நோக்கிய வாமதேவ முகத்திலிருந்து தீப்தம், சூட்சமம், சுகத்திரம், அஞ்சுமான், சுப்ரபேதம் எனும் ஐந்து ஆகமங்கள் தோன்றின

இந்த வடக்குமுக வாமதேவ தோற்றத்திற்குகந்த முகங்கள் ஐந்து. அவை
6.கங்காளர்,
7.சக்ரதானர்,
8.கஜாந்திகர்-கஜாந்திக மூர்த்தி,
9.சண்டேசானுக்ரஹர்,
10.ஏகபாதர்- ஏகபாத மூர்த்தி,

பீதகற்பத்தில் பிரம்மன் ஈசனைப் பணிந்து தியானம் செய்து கொன்றைப்பூ அணிந்த திருச்சடையில் இளஞ்சந்திரனை தரித்தவராகக் காட்சி- இதுவே தத்புருஷ தோற்றம் ஆகும். இந்த தோற்றத்தில் காயத்திரி தேவியை சிருஷ்டித்து நான்முகனுக்கு அளித்தார். இந்த தத்புருஷ தோற்றத்தையோ, காயத்திரி தேவியையோ சிவமந்திரம் சொல்லி வழிபட்டால் பிறவிக் கடலை கடந்து சிவபதவி கைகூடும் என்றார். தத்புருஷம்- வாயுத் தத்துவம் அதிலிருந்து தோன்றிய ஸுசீலா என்ற பெயருள்ள வெளுப்பு நிற பசுவின் கோமயத்தால் தயாராகும் பஸ்மம்- க்ஷாரம்

கிழக்கு நோக்கிய தத்புருஷ முகத்திலிருந்து ரௌரவம், மகுடம், விமலம், சந்திரஞானம், முகவிம்பம் எனும் ஐந்து ஆகமங்கள் தோன்றின.

இந்த கிழக்குமுக தத்புருஷ தோற்றத்திற்குகந்த முகங்கள் ஐந்து. அவை
11.பிட்சாடனர்- பலிதிரி / பலிகொள் செல்வர்,
12.காமாந்தகர்-காமதகனமூர்த்தி,
13.காலசம்ஹாரர்-காலனைக் காய்ந்த பொம்மான்-காலாரி,
14.சலந்தராரி-சலந்திரவத மூர்த்தி,
15.திரிபுராந்தகர்.

நீலகற்பத்தில் கடும் தவமிருந்து பிரம்மன், தீச்சுடரும், வாளும் ஏந்திய திருக்கரத்துடன் கருமை நிற மேனியுடன் சிவபெருமான் காட்சி. இது அகோர தோற்றம். பஞ்சமாபாதங்கள் புரிந்தோரும் தங்கள் தவறை உணர்ந்து சிவ பஞ்சாக்ஷர மந்திரத்தை மீண்டும் மீண்டும் ஜபித்து வந்தால் அவர்களைப் பற்றிய தோஷம் விலகும். அகோரம்- தேஜஸ் தத்துவம் அதிலிருந்து தோன்றிய ஸுரபி என்ற பெயருள்ள சிவப்பு நிற பசுவின் கோமயத்தால் தயாராகும் பஸ்மம்- பஸ்மா

தெற்கு நோக்கிய அகோர முகத்திலிருந்து விசயம், நிச்சுவாசம், சுவாயம்புவம், ஆக்னேயம், வீரம் எனும் ஐந்து ஆகமங்கள் தோன்றின.

இந்த தெற்குமுக அகோர தோற்றத்திற்குகந்த முகங்கள் ஐந்து. அவை
16.கஜசம்ஹாரர்-கஜயுக்தமூர்த்தி,
17.வீரபத்திரர்,
18.தட்சினாமூர்த்தி-ஆலமர்செல்வர்,
19.நீலகண்டர்-நீலகண்ட மூர்த்தி,
20.கிராதகர்-கிராத மூர்த்தி

விசுவரூப கற்பத்தில் பிரம்மன் தவமிருந்து கங்கையும் திங்களும் தாங்கிய திரிசடை, கோரப்பற்கள், நெற்றிக்கண்ணும் கொண்டு இருபக்கமும் இரு மாதர்களுடன் சிவபெருமான் காட்சி தந்து அருள். இது ஈசான தோற்றம். சிந்தையில் இறைவனை வைத்து தவம் புரிந்து பிறவா வரம் அடையலாம். ஈசானம்- ஆகாசத் தத்துவம் அதிலிருந்து தோன்றிய ஸுமனா என்ற பெயருள்ள பல நிற பசுவின் கோமயத்தால் தயாராகும் பஸ்மம்- ரக்ஷா

உச்சி நோக்கிய ஈசான முகத்திலிருந்து புரோற்கீதம், லலிதம், சித்தம், சந்தானம், சருவோத்தம், பரமேஸ்வரம், கீரணம், வாதூலம் எனும் எட்டு ஆகமங்கள் தோன்றின

இந்த உச்சிமுக ஈசான தோற்றத்திற்குகந்த முகங்கள் ஐந்து. அவை
21.சோமாஸ்கந்தர்,
22.நடராஜர்,
23.இடபாரூடர்-ரிஷபாரூடர்-விருஷபவாகனன்,
24.கல்யாணசுந்தரர்-மணவழகர்,
25.சந்திரசேகரர்-பிறை சூடிய பொம்மன்.

64 உருவங்களில் மேற்கண்ட 25 வடிவங்கள் தவிர மற்ற சிவ வடிவங்கள்.
26.சிவலிங்கம்
27.முகலிங்கம்
28.சதாசிவம்
29.மகாசதாசிவம்
30.இடபாந்திகர்
31.புஜங்கலளித மூர்த்தி
32.புஜங்கத்திராச மூர்த்தி,
33.சந்தியா தாண்டவ மூர்த்தி
34.சதா நிருத்த மூர்த்தி
35.சண்டதாண்டவ மூர்த்தி-காளிகாதாண்டவ மூர்த்தி
36.கங்காதரர், கங்காதரமூர்த்தி
37.கங்காவிசர்ச்சனர்
38.ஜ்வரபக்ன மூர்த்தி-சுரகண்டீசர்
39.சார்த்தூலஹர மூர்த்தி
40.பாசுபத மூர்த்தி
41.சரப மூர்த்தி- சிம்மக்ன மூர்த்தி / நரசிம்ம சம்ஹாரர்
42.யோகதட்சினாமூர்த்தி
43.வீணாதட்சிணாமூர்த்தி
44.இலகுளேசுவர மூர்த்தி
45.பைரவ மூர்த்தி
46.ஆபதோத்தாரண மூர்த்தி
47.வடுக மூர்த்தி
48.க்ஷேத்ரபாலக மூர்த்தி
49.அகோர அத்திர மூர்த்தி
50.தட்ச யக்ஞஹத மூர்த்தி
51.குருமூர்த்தி
52.அசுவாரூட மூர்த்தி- குதிரையேறுச் செல்வர்
53.ஏகபாத திரிமூர்த்தி
54.திரிபாத திரிமூர்த்தி
55.கௌரிவரப்பிரத மூர்த்தி
56.கௌரிலீலா சமன்விதமூர்த்தி
57.கருடாந்திக மூர்த்தி
58.பிரமசிரச்சேத மூர்த்தி / பிரமசிரக்கண்டீசர்
59.கூர்ம சம்ஹாரமூர்த்தி
60.மச்ச சம்ஹாரமூர்த்தி
61.வராக சம்ஹாரமூர்த்தி
62.பிரார்த்தனா மூர்த்தி
63.இரத்தபிக்ஷாப் பிரதான மூர்த்தி
64.சிஷ்யபாவ மூர்த்தி / முருகனிடம் பிரணவப் பொருள்கேட்ட வடிவம்

######

Read 1088 times Last modified on வியாழக்கிழமை, 19 July 2018 16:03
Login to post comments

புகைப்பட தொகுப்பு

வீடியோ தொகுப்பு

தலைவர்

குருஜி கயிலைமணி ப.கோவிந்தராஜன்.
துணைக்கோட்டப் பெறியாளர்
(பணி ஓய்வு). பி.எஸ்.என்.எல்.
ஈரோடு-638 001.
-94428 36536,75982 36536.
-0424 2280142
Email:[email protected]

மேலும் அறிய...

செயலாளர்

மா.முத்துச்சாமி.
மக்கள் செய்தி தொடற்புத் துறை
(பணி ஓய்வு).
ஈரோடு-638 001.

மேலும் அறிய...

பொருளாளர்

கோ.ரவிசங்கர். எம்.இ., எம்.பி.ஏ
என்ஜினியரிங் மேனேஜர்.
எல்& டி. கட்டுமானப்பிரிவு,
சென்னை-600 089.

மேலும் அறிய...

அறங்காவலர்

ம.செந்தில் இளவரசன்.
உரிமையாளர், ‘இந்தியன்’ உதிரி பாகங்கள்.
தாம்பரம்-600 048.

மேலும் அறிய...

பொருளடக்கம்

8516229
All
8516229
Your IP: 162.158.63.158
2018-08-21 19:11

செய்திமடல்

புகுபதிகை படிவம்

 

tree-1.jpg tree-3.jpg tree-2.jpg
organ-2.jpg orrgan-3.jpg orrgan-1.jpg
eye3.jpg eye2.jpg eye1.jpg
blood-02.jpg blood-01.jpg blood-03.jpg